Liñas de investigación

Horizonte Europa:

• Pilar 2, Agrupación industrial 6: “Food, Bioeconomy, Natural Resources, Agriculture & Environment”
• Misión: “SOIL HEALTH & FOOD”

Os obxectivos que a agrupación persegue dentro deste campo temático son a xeración de coñecemento e o desenvolvemento e aplicación de estratexias que contribúan a minimizar os impactos negativos da agricultura e a industria alimentaria ao longo de todos os elementos da cadea produtiva.
Considerando que, de acordo co Soil Health and Food Mission Board (MB) e o European Commission’s Joint Research Centre (JRC), ao redor do 70% dos chans de Europa sofren importantes alteracións como consecuencia das actuais prácticas de manexo derivadas dos usos na agricultura e a industria alimentaria, dentro deste campo de actuación prestarase especial atención á preservación da saúde dos chans agrícolas co fin de garantir a produción segura e sostible de alimentos e asegurar a función ecosistémica primordial do chan na protección, conservación e depuración das augas, no soporte á biodiversidade e mantemento do ciclo de nutrientes, e na regulación do clima, todo iso considerado nun contexto de agricultura maioritariamente convencional e de uso do chan como destino para a valorización agrícola de subproductos e efluentes potencialmente contaminantes.
E serán tamén obxecto de estudo dentro deste campo a mellora da eficiencia dos cultivos, a redución do uso de insumos e materias primas, e no aproveitamento dos subproductos e residuos da actividade agrícola e industrial co fin de avanzar cara a unha produción agroalimentaria sostible e de mínimo impacto.

RIS3 Galicia:

• Reto 3.2: Diversificación do sector de alimentación galego para posicionalo como referente internacional ao redor da innovación en nutrición como elemento crave para unha vida saudable
• Reto 2.2: Potenciar a competitividade do sector industrial galego a través da optimización de procesos produtivos baixo o concepto de “Fábrica do Futuro” e a través da Eco-innovación para a mellora da eficiencia e do comportamento ambiental na industria

Neste apartado os obxectivos son a xeración de coñecemento e o desenvolvemento de novos procesos que contribúan ao fortalecemento da industria alimentaria a través da diversificación de produtos e procesos co obxectivo de xerar novos alimentos:

• seguros,
• con alto valor nutricional e calidade diferenciada,
• que acheguen beneficios sobre a protección da saúde dos consumidores,
• e adecuados para satisfacer as necesidades dunha alimentación saudable dirixida á poboación xeral e, en especial, a persoas con requirimentos específicos (terceira idade, alimentación infantil, obesidade, intolerancias e alerxias, diabetes, hipertensión e hipercolesterolemia, entre outras doenzas).

Dentro deste campo será tamén un obxectivo prioritario contribuír á modernización da industria alimentaria desde sectores transversais como as TICs e as Tecnoloxías de Proceso relacionadas coa simulación, optimización e eco-innovación dos procesos, que permitan avanzar cara á Fábrica do Futuro, eficiente e con mínimo impacto ambiental.